அர்த்த மண்டபத்தின் மேற்கூரையில் ராசிச் சக்கரமும் கருவறையின் மேற்கூரையில் மீன் சின்னம் மற்றும் இறையிலி நில அளவும் குறிக்கப்பட்டுள்ளன. இங்குள்ள அதிகார நந்தி தமிழகத்திலேயே ஐந்தாவது மிகப்பெரிய நந்தி சிலையாகும். தமிழகத்தில் முப்பெருந் தெய்வங்களுடன் சங்கநிதி மற்றும் பத்மநிதி அருள்புரியும் ஒரே ஸ்தலம் இதுவாகும். நதிக்கரையில் சிவன், விஷ்ணு, பிரம்மா ஆகிய முப்பெருந் தெய்வங்களும் அருள்புரியும் மிகச்சில கோயில்களில் இதுவும் ஒன்றாகும். இதனால் ஸ்ரீ கலியுக சிதம்பரர் திருக்கோயில் சகல பாவங்களையும் நிவர்த்தி செய்து வரமருளும் ஸ்தலமாக அமைந்துள்ளது. குடமுழுக்கு விழாவின் பொழுது ஹோம குண்டத்தின் அக்னி வலம் சுழித்து எழுந்தது இத்திருக்கோயிலின் புனிதத்திற்கு சான்றாக அமைந்துள்ளது.

சமூக வலைதளத்தில் பின்தொடர